Kato-kato nan kalua dari muncuang Menteri Agamo Yaqut Cholil Qoumas nan maibaraikan suaro Azan jo gonggongan anjiang, batua-batua mambuek Ketua Lembaga Kerapatan Adat Alam Minangkabau (LKAAM) Sumatra Barat (Sumbar) DR. Fauzi Bahar, M.Si, Datuak Nan Sati tabik rabo. Bahkan inyo maharamkan Yaqut Cholil menginjakan kaki di Ranah Minang nan bafilosofikan adaik basandi syarak, syarak basadi kitabullah ko.
Padang, MaestroInfo—Samantang Fauzi Bahar barusaho untuak tatap tanang katiko mananggapi pernyataan Menteri Agamo Yaqut Cholil Qoumas nan meanalogikan suaro Azan jo gonggongan anjing, namun dari intonasi sarato diksi nan kalua dari muncuang Fauzi Bahar tampak jaleh baso liau tu tabik suga mancaliak parangai Menteri Agamo tu.
Saroman nan diketahui sabelumnya, Menteri Agamo Yaqut Cholil ko maanologikan pangareh suaro di masajik sarato musala jo suara anjing nan menggonggong dalam wakatu bersamaan.
"Contohnya lagi, misalkan tetangga kita kiri kanan depan belakang pelihara anjing semua, misalnya menggonggong di waktu yang bersamaan kita terganggu ngga? Artinya semua suara-suara harus kita atur agar tidak menjadi gangguan," kecek Menteri Agamo tu.
Pernyataan itu lah nan mambuaek Ketua LKAAM Sumbar ko manggartih. “Pernyataan Menag yang mensejajarkan kumandang azan dengan gonggongan anjing sebagai pernyataan tidak bijak dan hanya memancing kegaduhan,” kecek Fauzi Bahar, Kamis 24 Februari 2022.
Bahkan dek ulah “muncuang buruak” Menteri Agamo tu, ilang pulo raso sagan Fauzi Bahar ka paja tu. Bahkan liau maharamkan Menag Yaqut Cholil Qoumas menginjakkan kaki di tanah Minangkabau ko.
“Saya atas nama Ketua LKAAM Sumbar menyatakan, haram untuk Menteri Agama menginjakkan kaki di tanah Minangkabau. Jadi, jangan coba-coba menginjak tanah Minangkabau. Masyarakat kami Islam, di sini adat basandi syarak, syarak basandi kitabullah,” kecek Fauzi Bahar, Kamis 24 Februari 2022 batageh-tageh.
Mantan Walikota Padang duo periode ko pun batageh-tageh, dengan mangecekan baso pernyataan Menag Yaqut tu alah talongsong bana sarato malukoi hati masyarakaik Minangkabau.
Bahkan Fauzi Bahar pun menilai Menag alah manyalahgunoan wewenang nan diagiahan dek Presiden Joko Widodo.
“Kasihan kita kepada bapak Presiden yang telah memberi kepercayaan kepada dia. Namun dia menyalahggunakan wewenang itu. Kita sebagai umat Islam menyatakan, menentang pernyataan beliau tentang bagaimana suara mic yang dia katakan sama dengan suara gonggongan anjing. Demi Allah, kita akan berjuang dan menentang pernyataan itu,” tegas Fauzi Bahar. (Febriansyah Fahlevi)
0 Komentar